Cunam në Indonezi, shkon në 222 numri i të vdekurve, qindra të plagosur

0
87

Dallga gjigante e cunamit të nxitur prej shpërthimit vullkanik ka shkaktuar jo më 168 të vdekur, por të paktën 222 deri më tani, e ka plagosur qindra të tjerë, pasi u përplas pa paralajmërim mbi plazhet përreth ngushticës “Sunda” të Indonezisë.

Shifra e viktimave është përditësuar këtë të dielë, me zyrtarët e qeverisë që shprehin drojën se numri i tyre mund të rritet edhe më shumë.

Qindra ndërtesa u shkatërruan nga dallgët, që goditën brigjet jugore të Sumatrës dhe ato perëndimore të Javës, rreth orës 21:30 të darkës së të shtunës, pas shpërthimit të një vullkani të quajtur “Anak Krakatoa”, pasuesi i “Krakatoa”-s së famshëm.

Ekipet e kërkim-shpëtimit vijojnë të gërmojnë nën rrënoja për të mbijetuar, ndërsa aktualisht, 222 janë konfirmuar të vdekur, 843 persona të tjerë rezultojnë të plagosur dhe 28 janë ende të zhdukur.

 

Komento